சைக்கோ கில்லரை வேட்டையாடும் சூப்பர் ஸ்டார்.. மான்ஸ்டர் கதையா தர்மன்? எகிறும் எதிர்பார்ப்பு!

சென்னை: சூப்பர் ஸ்டார் ரஜினிகாந்தின் 173வது திரைப்படமாக பிரம்மாண்டமாக உருவாகி வரும் படம் 'தர்மன்'. உலகநாயகன் கமல்ஹாசனின் ராஜ் கமல் ஃபிலிம்ஸ் தயாரிப்பில், ஓ மை கடவுளே, டிராகன் படங்களின் இயக்குநர் அஷ்வத் மாரிமுத்து இப்படத்தை இயக்கி வருகிறார். சுந்தர் சி, சிபி சக்ரவர்த்தி என அடுத்தடுத்து இயக்குநர்கள் விலகிய குழப்பங்களுக்கு பிறகு, அஷ்வத் மாரிமுத்துவின் கைகளுக்கு வந்த தர்மன் படத்தின் படப்பிடிப்பு தற்காப்பில் விறுவிறுப்பாக நடைபெற்று வருகிறது. வரும் பொங்கல் பண்டிகையை முன்னிட்டு திரைக்கு வரத் தயாராகி வரும் இப்படத்தின் 3-வது கட்டப் படப்பிடிப்பு தற்போது நிறைவடைந்துள்ளது.

மான்ஸ்டர் கதையா தர்மன்?: தற்போது கோலிவுட் வட்டாரத்தையே உலுக்கி வரும் தகவல் என்னவென்றால், உலக புகழ்பெற்ற ஜப்பானிய 'மான்ஸ்டர்'அனிமே தொடரின் தழுவல் தான் தர்மன் படத்தின் கதை ஒரு தகவல் பரவி வருகிறது. சமீபத்தில் விமான நிலையத்தில் ரஜினிகாந்த், தெலுங்கு நடிகர் ராம் பொத்தினேனி, ராஷி கண்ணா ஆகியோர் இருக்கும் லீக்கான வீடியோக்கள் இந்த சந்தேகத்தை உறுதிப்படுத்தியுள்ளன.

'மான்ஸ்டர்' கதையின் த்ரில்லிங் பின்னணி: நியூரோ சர்ஜனான டாக்டர் டென்ஹ்மா, ஒரு மேயரை காப்பாற்றுவதற்கு பதிலாக ஆபத்தான நிலையில் இருக்கும் ஜோஹான் என்ற சிறுவனைக் காப்பாற்றுகிறார். இதனால் டாக்டரின் பதவி, பெயர், பணம் எல்லாமே பறிபோகிறது. 9 வருடங்களுக்கு பிறகுதான் டாக்டருக்கு ஒரு பேரதிர்ச்சி காத்திருக்கிறது. தான் அன்று உயிரை கொடுத்து காப்பாற்றிய அந்த சிறுவன், ஒரு கொடூரமான 'சீரியல் கில்லராக' மாறியிருக்கிறான். தான் செய்த தவறால் உருவான அந்த 'மான்ஸ்டரை' அழிக்க டாக்டர் களமிறங்குவதும், அந்த தொடர் கொலைகளுக்கு டாக்டரே காரணம் என போலீஸ் சந்தேகப்படுவதும்தான் அந்தத் த்ரில்லிங் கதை. இதே போன்ற ஒரு மைண்ட்-ப்ளோயிங் சீரியல் கில்லர் கதையில்தான் ரஜினி நடிக்கிறாரா என்ற கேள்வி ரசிகர்களை தூங்க விடாமல் செய்து வருகிறது.

சென்டிமென்ட் டிராமாவா?: படத்தில் ராஷி கண்ணாவை திருமணம் செய்து கொண்டு ரஜினிகாந்த் மற்றும் சிம்ரன் ஜோடிக்கு மருமகனாக ராம் பொத்தினேனி மாறுகிறார் என்றும் கூறப்படுகிறது. இதனால் த்ரில்லர் கதையோடு சேர்ந்து, ரஜினி-சிம்ரன் கெமிஸ்ட்ரியுடன் குடும்ப சென்டிமென்ட்டும் படத்தில் தூக்கலாக இருக்கும் என எதிர்பார்க்கப்படுகிறது. இதற்கிடையே, சூப்பர் ஸ்டாரின் 'ஜெயிலர் 2' திரைப்படம் ஆயுதபூஜை விருந்தாக அக்டோபர் 15 அன்று வெளியாகி திரையரங்குகளில் வெளியாக உள்ளது. பொங்கலுக்கு வரவிருக்கும் 'தர்மன்' படத்தின் இந்த 'மான்ஸ்டர்' கதைக்களம் ரஜினி ரசிகர்களுக்கு இரட்டை விருந்தாக அமைந்துள்ளது.