உலகத்திலே முதல் முறை.. அபிஷேக் சர்மாவின் மோசமான உலக சாதனை.. யாருமே இதை செய்யல

உலகத்திலே முதல் முறை.. அபிஷேக் சர்மாவின் மோசமான உலக சாதனை.. யாருமே இதை செய்யல

சானோ: இந்திய கிரிக்கெட் அணியின் இளம் அதிரடி ஆட்டக்காரரான அபிஷேக் சர்மா, டி20 கிரிக்கெட் வரலாற்றில் யாரும் விரும்பாத ஒரு தேவையற்ற உலக சாதனையை படைத்துள்ளார். ஒரு காலண்டர் ஆண்டில் டி20 போட்டிகளில் 10 முறை ரன் ஏதும் எடுக்காமல் ஆட்டமிழந்த உலகின் முதல் வீரர் என்ற மோசமான சாதனையை அவர் பதிவு செய்துள்ளார்.

ஜப்பானின் சானோ நகரில் நடைபெற்ற ஜப்பானுக்கு எதிரான ஒரே ஒரு டி20 சர்வதேச போட்டியில் இந்திய அணியின் தொடக்க ஆட்டக்காரராக அபிஷேக் சர்மா களம் இறங்கினார். 26 வயதான இந்த இடதுகை பேட்ஸ்மேன், போட்டியின் முதல் ஓவரின் ஆறாவது பந்திலேயே சார்லி ஹரா-ஹின்ஸ் பந்துவீச்சில் ரன் ஏதும் எடுக்காமல் 'கோல்டன் டக்' ஆகி பெவிலியன் திரும்பினார்.

கடந்த செப்டம்பர் 17 அன்று டெல்லியில் ஆப்கானிஸ்தானுக்கு எதிராக நடைபெற்ற டி20 போட்டியில், வெறும் 30 பந்துகளில் சதம் விளாசி 108 ரன்கள் குவித்து சாதனை படைத்திருந்தார் அபிஷேக் சர்மா. ஆனால், அதற்கு அடுத்த போட்டியிலேயே ஜப்பானுக்கு எதிராக அவர் டக் அவுட் ஆகி அதிர்ச்சியளித்துள்ளார்.

2026 ஆம் ஆண்டில் அபிஷேக் சர்மாவுக்கு இது 10-வது டக் அவுட் ஆகும். இதற்கு முன்பு உலக அளவில் எந்த ஒரு பேட்ஸ்மேனும் ஒரே காலண்டர் ஆண்டில் 10 முறை டக் அவுட் ஆனதில்லை. இந்த பட்டியலில் ஆப்கானிஸ்தான் அணியின் நட்சத்திர வீரர் ரஷித் கான் இரண்டாவது இடத்தில் உள்ளார்.

ரஷித் கான் கடந்த 2024 ஆம் ஆண்டில் 56 டி20 போட்டிகளில் விளையாடி 9 முறை டக் அவுட் ஆகியிருந்தார். தற்போது அபிஷேக் சர்மா 10 டக் அவுட்களுடன் அவரை முந்தி சர்வதேச டி20 போட்டிகளில் புதிய தேவையற்ற சாதனையைத் தன்வசப்படுத்தியுள்ளார்.