"அதிமுக-வுக்கு திமுக வாக்கு கேட்கிறது; திமுக-வுக்கு அதிமுக வாக்கு கேட்கிறது"

கோவை விமான நிலையத்தில் அமைச்சர் ஆதவ் அர்ஜுனா செய்தியாளர்களுக்குப் பேட்டியளித்தார்.

அப்போது பேசிய அவர், “தி.மு.க கொள்கைக் கட்சி என்று கூறிக்கொண்டு, தற்போது வரை ஒரு கொள்கை ரீதியான பிரசாரத்தை முன்னெடுத்ததில்லை. தேர்தல் வரும்போது அவதூறுகளையும், பெண்களை மையப்படுத்திய ஆபாச பிரசாரங்களையும் உருவாக்குகிறார்கள்.

எம்.ஜி.ஆர் முதலமைச்சராக இருந்தவரை எந்தத் தேர்தலிலும் தி.மு.க வெற்றி பெற்றது கிடையாது. தற்போது உதயநிதி ஸ்டாலின் பெண்களை நோக்கிய, தனிப்பட்ட வாழ்க்கையை நோக்கிய பிரசாரங்களை மட்டுமே முன்னெடுத்து வருகிறார். இதுபோன்ற ஆபாசமான பேச்சுக்களை மக்களும், குறிப்பாக கொங்கு மண்டல மகளிரும் தூக்கி எறிவார்கள்.

எடப்பாடி பழனிசாமியும் முதலமைச்சர் விஜய் குறித்து தனிப்பட்ட வாழ்க்கையை மையப்படுத்தி தி.மு.க-வுடன் இணைந்து பிரசாரத்தை மேற்கொண்டு வருகிறார்.

இன்று உள்ள அ.தி.மு.க எம்.ஜி.ஆரால் உருவாக்கப்பட்ட அ.தி.மு.க கிடையாது. ஜெயலலிதாவிடம் விசுவாசமாக இருந்த அமைச்சர்கள் அனைவரும் அ.தி.மு.க-விலிருந்து வெளியேறி விட்டனர்.