ஆசிய போட்டி 2026: இந்திய கபடி அணி சாதனை வெற்றி.. 9வது முறையாக தங்கம் வென்றது.. பைனலில் ஈரான் தோல்வி

ஆசிய போட்டி 2026: இந்திய கபடி அணி சாதனை வெற்றி.. 9வது முறையாக தங்கம் வென்றது.. பைனலில் ஈரான் தோல்வி

ஐச்சி: ஆசிய போட்டியில் இந்திய ஆடவர் கபடி அணி, இறுதிப் போட்டியில் ஈரானை வீழ்த்தி, ஒன்பதாவது முறையாக தங்கப் பதக்கத்தைக் கைப்பற்றி புதிய சாதனை படைத்துள்ளது.தற்போது நடைபெற்று வரும் 2026 ஆசிய விளையாட்டுப் போட்டிகளின் இறுதி ஆட்டத்தில், இந்திய அணி 40-34 என்ற கணக்கில் ஈரானை எதிர்த்துப் போராடி வெற்றியைத் தன்வசப்படுத்தியது.

1990-ஆம் ஆண்டு ஆசிய விளையாட்டுப் போட்டிகளில் ஆடவர் கபடி சேர்க்கப்பட்டது முதல், 2018-ஆம் ஆண்டைத் தவிர மற்ற அனைத்து தொடர்களிலும் இந்தியா தங்கப் பதக்கத்தை வென்றுள்ளது. 2018-ல் பதக்க மேடையைத் தவறவிட்ட இந்திய அணி, நான்காவது இடத்தையே பிடிக்க முடிந்தது.

2026 ஆசிய விளையாட்டுப் போட்டியில், செப்டம்பர் 21 அன்று நடைபெற்ற தனது முதல் குரூப் 'ஏ' போட்டியில் ஜப்பானை 49-24 என்ற கணக்கில் வீழ்த்தி இந்தியா தனது ஆட்டத்தைத் தொடங்கியது. அதைத் தொடர்ந்து, இரண்டாவது போட்டியில் தென் கொரியாவை 63-31 என்ற கணக்கிலும், பின்னர் வங்காளதேசத்தை 48-25 மற்றும் சீன தைபேயை 37-21 என்ற கணக்கிலும் எளிதாக வீழ்த்தியது.

வெள்ளிக்கிழமை நடைபெற்ற அரையிறுதி ஆட்டத்தில் ஐதாய்லாந்து அணியை 66-28 என்ற புள்ளி கணக்கில் வீழ்த்திய இந்தியா, இறுதிப் போட்டிக்குத் தகுதி பெற்றது. மற்றொரு அரையிறுதியில் சீன தைபேயை 59-21 என்ற கணக்கில் வீழ்த்திய ஈரான் அணியுடன் இறுதிப் போட்டியில் மோதியது.

ஆடவர் அணி தங்கம் வெல்வதற்கு முன்பாகவே, இந்திய மகளிர் கபடி அணியும் ஆசிய விளையாட்டுப் போட்டியில் தங்களது மகுடத்தைத் தக்க வைத்துக் கொண்டது. விறுவிறுப்பாக நடைபெற்ற இறுதிப் போட்டியில் ஈரான் அணியை 37-34 என்ற புள்ளி கணக்கில் வீழ்த்தி மகளிர் அணி தங்கம் வென்றது.