இந்தியா கூட்டணி தலைவர்கள் தாக்கல் செய்த வழக்கு: சுப்ரீம்கோர்ட்டில் நாளை விசாரணை

புதுடெல்லி,

எஸ்.ஐ.ஆருக்கு எதிராக இந்தியா கூட்டணி தலைவர்கள் தாக்கல் செய்த வழக்கு மீது சுப்ரீம்கோர்ட்டில் நாளை விசாரணை நடைபெறுகிறது.

பிரமாண்ட பேரணி

தேர்தல் கமிஷனின் செயல்பாடுகள் மற்றும் வாக்காளர் பட்டியலில் மேற்கொள்ளப்பட்ட சிறப்பு தீவிர திருத்தத்தில் பெரியளவில் முறைகேடுகள் நடந்துள்ளதாகக் கூறி, எதிர்க்கட்சிகள் தலைமை தேர்தல் கமிஷனர் ஞானேஷ் குமாருக்கு எதிராக தொடர் போராட்டங்களில் ஈடுபட்டு வருகின்றன.

இடைக்காலத் தடை

14 குறைபாடுகள்

இந்த மனு நேற்று தலைமை நீதிபதி சூர்ய காந்த் தலைமையிலான அமர்வு முன்பு விசாரணைக்கு வரவிருந்தது. ஆனால், மனுவில் பல குளறுபடிகள் இருப்பதாகக் கூறி சுப்ரீம் கோர்ட்டு பதிவாளர் அலுவலகம் அதனை விசாரணை பட்டியலில் சேர்க்கவில்லை.

இந்த வழக்கு தொடர்பாக ஆஜரான மூத்த வக்கீல் கோபால் சங்கரநாராயணன், இந்த விவகாரத்தை தலைமை நீதிபதியின் கவனத்திற்கு கொண்டு சென்றார்.

அதற்கு பதிலளித்த தலைமை நீதிபதி சூர்ய காந்த். "நாங்கள் இந்த மனுக்கள் அனைத்தையும் விசாரணைக்கு பட்டியலிடத் தயாராகவே இருக்கிறோம். மனுவில் உள்ள குறைபாடுகள் அனைத்தையும் முதலில் சரி செய்யுங்கள்" என்று உத்தரவிட்டிருந்தார்.

இந்நிலையில் வாக்காளர் பட்டியல் முறைகேடு, எஸ்.ஐ.ஆருக்கு எதிராக இந்தியா கூட்டணி தாக்கல் செய்த வழக்கு சுப்ரீம்கோர்ட்டில் நாளை விசாரணை நடைபெறுகிறது. ராகுல்காந்தி, கார்கே, அகிலேஷ், தேஜஸ்வி உள்ளிட்ட தலைவர்கள் தாக்கல் செய்துள்ள மனுவை தலைமை நீதிபதி சூர்ய காந்த் அமர்வு விசாரிக்க உள்ளது.