சிறுமியை சீரழிக்க முயன்ற சிட்டி ரோபோ.....அதிர்ச்சியூட்டும் வீடியோ!
சிறுமியை சீரழிக்க முயன்ற சிட்டி ரோபோ.....அதிர்ச்சியூட்டும் வீடியோ!
ஜெர்மனியின் கொலோன் நகரில், துரித உணவகம் ஒன்றின் வெளியே 16 வயது சிறுமியிடம் மனித உருவிலான ரோபோ ஒன்று அத்துமீறி நடந்துகொண்டதாகக் கூறப்படும் சம்பவம் அதிர்ச்சியை ஏற்படுத்தியுள்ளது.
சிறுமியிடம் அத்துமீறியதாகக் கூறப்படும் ரோபோ!
மேற்கு ஜெர்மனியின் கொலோன் நகரில், சனிக்கிழமை நள்ளிரவுக்கு சற்று முன்பு, 16 வயது சிறுமி தனது நண்பர்களுடன் இருந்துள்ளார். அப்போது, சுமார் நான்கு அடி உயரமுள்ள மனித உருவிலான ரோபோ ஒன்று அவரை நெருங்கியதாகப் போலீஸார் தெரிவித்துள்ளனர்.
சிவப்பு மற்றும் தங்க நிறத்தில் இருந்த அந்த ரோபோ, சிறுமியைப் பிடித்து, அவரைத் தொடும் வகையில் அத்துமீறிய செயல்களில் ஈடுபட்டதாக தெரிவிக்கின்றனர். இது தொடர்பாக சமூக வலைதளங்களில் பரவி வரும் வீடியோவில், ரோபோ சிறுமியை நோக்கி நகர்வதும், அதனால் அதிர்ச்சியடைந்த சிறுமி அலறியபடி பின்னால் நகர்வதும் பதிவாகியுள்ளதாகத் தெரிகிறது.
இரண்டு இளைஞர்களிடம் போலீஸ் விசாரணை!
இந்தச் சம்பவத்தை ரோபோவின் 16 வயது உரிமையாளரும், அவருடன் இருந்த 19 வயது இளைஞரும் வீடியோவாகப் பதிவு செய்து, சமூக வலைதளங்களில் நேரலையாக ஒளிபரப்பியதாகக் கூறப்பட்டுள்ளனர். மேலும், சம்பவத்தின்போது அவர்கள் தெரிவித்த கருத்துகள் குறித்தும் போலீஸார் விசாரித்து வருகின்றனர்.
நியூயார்க் போஸ்ட் வெளியிட்ட தகவலின்படி, அந்த ரோபோ, மார்வெல் சூப்பர் ஹீரோவான அயர்ன் மேனின் தோற்றத்தை நினைவூட்டும் வகையில் சிவப்பு மற்றும் தங்க நிறங்களில் வடிவமைக்கப்பட்டிருந்தது.
இந்தச் சம்பவத்தால் அதிர்ச்சியடைந்த சிறுமி போலீஸாரிடம் புகார் அளித்துள்ளார். இதையடுத்து, சம்பவத்துடன் தொடர்புடையதாகக் கருதப்படும் ரோபோவை போலீஸார் கண்டுபிடித்தனர். அது ஃபோக்ஸ்வேகன் காரின் பின்புறப் பகுதியில் வைக்கப்பட்டிருந்ததாகத் தெரிவிக்கப்பட்டுள்ளது. ரோபோவையும், சந்தேகத்துக்குரிய இளைஞர்களுக்குச் சொந்தமான இரண்டு மொபைல் போன்களையும் போலீஸார் பறிமுதல் செய்தனர்.
ரோபோவைக் கட்டுப்படுத்தியது யார்?
சம்பவத்தின்போது ரோபோவைக் கட்டுப்படுத்தியது யார், அது எவ்வாறு செயல்பட்டது என்பது குறித்து அதிகாரிகள் விசாரணை நடத்தி வருகின்றனர். சிறுமியிடம் அத்துமீறியதாகக் கூறப்படும் சம்பவம் தொடர்பாக, 16 மற்றும் 19 வயதுடைய இரு இளைஞர்களிடமும் விசாரணை நடைபெற்று வருகிறது.
மனிதர்களைப் போலச் செயல்படும் ரோபோக்களின் பயன்பாடு அதிகரித்து வரும் நிலையில், இந்தச் சம்பவம் சமூக வலைதளங்களில் கவனத்தைப் பெற்றுள்ளது.