ஆப்டிக்கல் ஃபைபர் கேபிள் துறையில் நுழையும் RR Kabel, அடுத்தது என்ன?

Usha Martin Ltd-இன் முழுச் சொந்தமான துணை நிறுவனமான U M Cables Ltd- இன் வணிகத்தை ரூ. 77 கோடி ரொக்கத்திற்கு கையகப்படுத்துவதற்கான ஒப்பந்தத்தில் கையெழுத்திட்டுள்ளதாக RR Kabel Ltd செப்டம்பர் 25ம் தேதி அறிவித்துள்ளது.இந்தக் கையகப்படுத்தல் slump sale முறையில், தொடர்ந்து இயங்கும் வணிக அடிப்படையில் மேற்கொள்ளப்படும். RR Kabel, UMCL மற்றும் Usha Martin ஆகிய நிறுவனங்கள் இதற்கான வணிகப் பரிமாற்ற ஒப்பந்தத்தை செப்டம்பர் 25ம் தேதி மேற்கொண்டன.UMCL நிறுவனம் ஆப்டிக்கல் ஃபைபர் மற்றும் அது தொடர்பான கேபிள்களை உற்பத்தி செய்து விற்பனை செய்வதில் ஈடுபட்டுள்ளது. இந்தக் கையகப்படுத்தல் மூலம் RR Kabel நிறுவனம் ஆப்டிக்கல் ஃபைபர் கேபிள் துறையில் நுழைவதுடன், பரந்த அளவிலான தகவல் தொடர்பு கேபிள் சந்தையில் தனது இருப்பை விரிவுபடுத்துகிறது.இந்த வணிகம் நிறுவனத்தின் தற்போதைய கேபிள் தயாரிப்பு வரிசைக்கு வலுசேர்ப்பதுடன், தகவல் தொடர்பு உள்கட்டமைப்பு பயன்பாடுகளுக்கான தீர்வுகளின் வரம்பையும் விரிவுபடுத்தும் என்று நிறுவனம் தெரிவித்துள்ளது.OFC துறையில் நுழைவதற்குத் தேவையான உற்பத்திச் சொத்துக்கள், ஏற்கனவே உள்ள அனுமதிகள் மற்றும் செயல்பாட்டு அனுபவம் ஆகியவற்றை உள்ளடக்கிய ஒரு வலுவான தளத்தை இந்தக் கையகப்படுத்தல் RR Kabel-க்கு வழங்கும்.சொந்தமாக ஒரு தளத்தை உருவாக்குவதற்குப் பதிலாக, ஏற்கனவே உள்ள திறன்களுடன் இத்துறையில் நுழைய இது உதவும் என்றும், தகவல் தொடர்பு கேபிள் துறையில் நிறுவனத்தின் விரிவாக்கத்தை இது விரைவுபடுத்தும் என்றும் RR Kabel தெரிவித்துள்ளது.RR Kabel நிறுவனத்தின் இணை நிர்வாக இயக்குனர் ராஜேஷ் கப்ரா கூறுகையில், தகவல் தொடர்பு உள்கட்டமைப்புத் துறையில் RR Kabel-இன் இருப்பை விரிவுபடுத்துவதில் இந்தக் கையகப்படுத்தல் ஒரு முக்கிய உத்திசார் நடவடிக்கையாகும். மேலும் இது ஆப்டிக்கல் ஃபைபர் கேபிள் துறையில் எங்களின் நுழைவைக் குறிக்கிறது.முக்கியமாக, உற்பத்திச் சொத்துக்கள், அனுமதிகள் மற்றும் நிரூபிக்கப்பட்ட செயல்பாட்டுத் திறன் கொண்ட ஒரு கட்டமைக்கப்பட்ட வணிகத் தளத்தை நாங்கள் கையகப்படுத்துகிறோம். இது எங்களுக்கு OFC துறையில் ஒரு வலுவான அடித்தளத்தை அளிப்பதுடன், இத்திறன்களை சுயமாக வளர்த்தெடுப்பதற்குத் தேவைப்படும் காலத்தையும் கணிசமாகக் குறைக்கிறது.RR Kabel-இன் வணிக அளவு, உற்பத்தித் திறன்கள், சந்தை அணுகல் மற்றும் வாடிக்கையாளர் உறவுகள் ஆகியவை இந்த வணிகத்தின் அடுத்தகட்ட வளர்ச்சியை ஊக்குவிக்கவும், அதே நேரத்தில் ஒட்டுமொத்த கேபிள் தயாரிப்பு வரிசையை வலுப்படுத்தவும் உதவும் என்று அவர் தெரிவித்தார்.BSE சந்தையில் RR Kabel யில் பங்குகள் 0.045% சரிந்து ரூ.2,531.00 என்ற விலையில் வர்த்தகம் நிறைவடைந்தது.