வரலாறு காணாத 775% மழையால் உத்தரபிரதேசத்தில் 3 நாளில் 56 பேர் ப*

வரலாறு காணாத 775% மழையால் உத்தரபிரதேசத்தில் 3 நாளில் 56 பேர் ப*

லக்னோ: உத்தரபிரதேச மாநிலத்தில் கடந்த 3 நாளில் வெளுத்து வாங்கிய அதிதீவிர கனமழை மற்றும் இடி மின்னலுக்கு இதுவரை 56 பேர் பரிதாபமாக உயிரிழந்துள்ளனர். உத்தரபிரதேசத்தில் கடந்த சில நாட்களாக தீவிரமடைந்து வந்த பருவமழை காரணமாக பல்வேறு மாவட்டங்கள் வெள்ளக்காடாக மாறியிருந்த நிலையில், கடந்த 25ம் தேதி முதல் 27ம் தேதி காலை வரையிலான 3 நாட்களில் வழக்கமான 7.6 மி.மீ. அளவுக்கு மாறாக 66.5 மி.மீ. மழை கொட்டித் தீர்த்து, இயல்பை விட 775 சதவீதம் அளவுக்கு வெளுத்து வாங்கிய அதிதீவிர கனமழை மற்றும் மின்னல் தாக்கியதில் கடந்த 60 மணி நேரத்தில் மட்டும் உயிரிழந்தவர்களின் எண்ணிக்கை 56 ஆக உயர்ந்துள்ளதுடன், 46 பேர் படுகாயமடைந்துள்ளனர்.

மொத்தமுள்ள 75 மாவட்டங்களில் சீதாபூரில் அதிகபட்சமாக 7 பேர் பலியான நிலையில், மாநிலம் முழுவதும் 1,021 வீடுகள் இடிந்து தரைமட்டமாகி 107 கால்நடைகளும் பரிதாபமாக உயிரிழந்துள்ள சூழலில், பேரிடர் நிலைமை குறித்து நிவாரண ஆணையர் டாக்டர் ரிஷிகேஷ் பாஸ்கர் யசோத் தெரிவிக்கையில், ‘வெள்ளத்தால் பாதிக்கப்பட்ட குடும்பங்களுக்கு உடனடியாக நிவாரணம் மற்றும் புதிய வீடுகள் கிடைக்க நடவடிக்கை எடுக்கப்பட்டு வருவதுடன், மீட்புப் பணிகளில் அதிகாரிகள் அலட்சியம் காட்டாமல் துரிதமாகச் செயல்பட வேண்டும்’ என்று திட்டவட்டமாக அறிவுறுத்தியுள்ளார்.